Rønnekleiv Tekst & Foto  - Historikk

Rønnekleiv Tekst & Foto var ei verksemd etablert i 2018 av Elin Rønnekleiv. Bakgrunnen for firmaet var ei aukande interesse for fotografi og korte tekstar og historier som vart delte i sosiale medium i åra før. Etter oppmodingar frå følgjarar vart det aktuelt å samle dette arbeidet i bokform.

Verksemda vart organisert som aksjeselskap, der Elin var eineaksjonær. Føremålet var å gje ut bøker og arbeide vidare med fotografi og formidling i ein strukturert samanheng.

Bøkene som vart utvikla i denne perioden tok utgangspunkt i karakteren Hans Ludvig Frantzen – ein bamsefigur som fungerte både som forteljargrep og visuell følgjesvein på fototurar. Historiene krinsa rundt tema som utanforskap, livsmot, refleksjon og stillferdige kvardagsopplevingar. Fotografiet og teksten vart utvikla side om side, og bøkene kombinerte humor og alvor i eit personleg uttrykk.

I samband med bokprosjekta vart det også halde fotoføredrag og presentasjonar, der bilete, forteljing og refleksjon vart formidla samla. Parallelt utvikla fotografiet seg vidare, og enkelte bilete fekk anerkjenning i fotokonkurransar, mellom anna i NM.

Rønnekleiv Tekst & Foto vart avvikla etter nokre år, då aktiviteten vart redusert og behovet for organisert næringsverksemd ikkje lenger var til stades. Verksemda er i dag avslutta.

Arbeidet som vart gjort gjennom Rønnekleiv Tekst & Foto utgjer likevel ein viktig del av bakgrunnen for Fotoelin slik prosjektet framstår i dag.